رمضان كريملاول يوم في رمضان حبيت نقدم البقلاوة المالحة , وهي مقبلة خفيفة و لذيذة , نتمنى تعجبكم و تجربوها و تقولولي رأيكم
المقادير
بالنسبة للعجينة ( هذي المقادير تكون 2 صينية متوسطين )
4 عبار فرينة (أنا إستعملت كأس )
نصف كأس زيت
ملعقة خميرة
ملعقة سكر
ماء دافئ ملح
النشا (ضرورية لحل العجينة )
تحضير العجينة
هذا هو الكأس اللي إستعملتوا
نضيف الخميرة
لنتحصل على عجينة طرية , ندلكها لمدة 10د و نلاحظ الفرق في الملمس بين العجينتين
نتركها تختمر
بالنسبة للحشو نحتاج
200غ صدر دجاج مفروم
بصلة مقطعة قطع صغيرة
3 ملاعق زيت
جبن أبيض
معدنوس
بيضة للدهن , ملح , فلفل أسود , قرفة
للتزيين جلجلان و سانوج (حبة السوداء)
في مقلاة نضع الزيت مع البصلة المقطعة قطع صغيرة , و نضيف الملح و الفلفل الاسود و القرفة
نتركها تتقلى حتى تذبل
نضيف صدر الدجاج المفروم
بعد ما إختمرت العجينة نخرج الخميرة باليد
و نقسم العجينة إلى قطع 4 قطع كل قطعتين نحضر بيها صينية
نرش فوق الطاولة النشا و نحل العجينة و كل مرة نرش بالنشا (دور النشا يعطي قرمشة للعجينة )
نقطعه إلى قطع بطول 2سم
نضع كل قطع فوق بعضها
و نحلها بالحلال
نتحصل على دائرة حسب قطر الصينية
ندهن الصينية بقليل من الزيت
و نضع الحشو فوقها
ثم نحضر العجينة الثانية بنفس الطريقة و نغطي بها الصينية
نقطع الزوائد و نسوي الجوانب
نقسم العجينة مربعات بالشكل التالي
نتحصل على هذا الشكل ثم ندهن الوجه بالبيض و نزينها السانوج و الجلجلان مربع بمربع
نتركها تختمر
ملاحظة , ربما تبان أنو الوصفة طويلة أو المراحل كثيرة لكن صدقوني راهي ساهلة و أنا من عادتي نعطي كل مرحلة حقها من الشرح و الصور بسب أنو دائما كاين مبتدئين و بناتنا يحبوا يجربوا فالشرح يساعدهم و نتمنى التوفيق لكل من يجربها
ليست هناك تعليقات:
إرسال تعليق