حلوة المفاجأة GÂTEAU SURPRISE (حلويات عصرية للعيد )

 رمضان كريم
من حلويات العيد اللتي إخترتها هي حلوة المفاجأة و هي فعلا لذيذة و إقتصادية و تخرج أكثر من 50 قطعة , و أهم شيء أنها بالشكولاطة و تعرفوا عشقي للشكولاطة , بدون ما تجربوه حضروه مباشرة في العيد

















المقادير
125 غ زبدة طرية
كأس سكر رطب (قلاسي)
1 بيضة كاملة +1 صفار بيضة
2 خميرة حلويات 2 ملاعق كبار كاكاو
الفرينة
بالنسبة للحشو
لوز محمص و مرحي
حلوة الترك الشامية
للتزيين
لوز محمص
شكولاطة
قاصاج أو الطلية بيضاء
التحضير
حدث معي خطأ و إنمحت بعض الصور و العادة نحط كل المراحل بالصور المفصلة لكن هنا ضاعت مني الصور الاولى فالمعذرة
نبدا بخلط الزبدة و السكر حتى يندمج
نضيف البيض حبة كاملة + صفار بيضة
نضيف الكاكاو
ثم نضيف الفرينة و الخميرة

نتحصل على عجينة طرية و متماسكة

نحضر الحشو
نحمص اللوز بقشورة (لا نتركه حتى يحترفق بل يتحمص قليلا )
نخلطه مع حلوة الترك او ما يسمى بالشامية

هذي الكمية الي حضرتها و لكنها كانت كافية و بقى الكثير منها بمعنى ماتكثروش الحشو بزاف
نأخذ من العجينة و نشكل كرات صغيرة

نبسط الكرية في اليد و نضع الحشو في الوسط

نشكلها على شكل أصبع

نكمل كل الكمية و ندخلها فرن على درجة حرارة 180

نذوب الشكولاطة على حمام مائي و نستطيع إضافة القليل من الزيت أو الحليب (القليل فقط )
نغطس كل قطعة في الشكولاطة الذائبة

و قبل أن تجف نضع حبة لوز أيضا محمصة (تعطي ذوق رائع )

نحضر الطلية بأبسط طريقة لاننا نشكل بها الزيقزق (الخطوط ) فقط
بمعنى قليل من ماء الزهر نضيف له السكر الرطب حتى نتحصل على خليط متماسك
نشكل به خطوط على الحلوة

نتركها تجف و نقدمها في أحلى المناسبات