صبيعات الكوكاو ( حلويات جديدة و إقتصادية للعيد )

رمضان كريم
دائما في إيطار التحضيرات لعيد الفطر هذه الصبيعات خيار جيدلانها أولا لذيذة و ثانيا إقتصادية (تعطي اكثر من 70حبة )و تزينها يشهي و يخطغف االانظار , في إنتظار تطبيقاتك تقبلوا مني كل الود

المقادير
العجينة
500 غ زبدة طرية
4 بيض
كأس سكر قلاص
كأس صغير مايزينة (نشاء)
1 خميرة حلويات
كأس كوكاو محمص
2 ملاعق كبار كاكاو
فرينة
للتزيين
طلية بيضاء (قلاصاج )
الشكولاطة
التحضير

نخلط بواسطة خلاط كهربائي او بواسطة العجانة كل من الزبدة الطرية و السكر

نضيف البيض واحدة بواحدة حتى تتداخل في الزبدة

من جهة ثانية نحمص الكاوكاو

نرحي الكاوكاو و نأخذ مقدار كأس و أكيد يكون بارد

نضيف الكوكاو و 2 ملاعق كاكاو إلى الخليط

نضيف الفرينة و الخميرة و المايزينة حتى نتحصل على عجينة طرية

نشكل العجينة على شكل حربوش

إستعملت هذا القالب للقياس الطول حتى نتحصل على قطع متقايسة

و سمك الصبيعات لا يكون أكبر من الشكل لاننا وضعنا الخميرو و سوف يزداد سمكها و يصبح شكلها غير جميل , فمن الاحسن تجرييب حبة أو إثنين حتى لا نخطئ
ندخلها فرن على درجة حرارة 180 حتى تنضج

نحضر كل من الشكولاطة و الطلية
بالنسبة للطلية تكون عادية نمزج قليل من ماء الزهر و ملون أبيض و نضيف السكر الرطب حتى نتحصل على خليط متماسك

الشكولاطة نذوبها على حمام مائي و نضيف قليل من الحليب أو الزيت
في حصة في قناة سميرة كنت شفت أن الشكولاطة في التزين دائما تكون صعبة و خاصة في الزيقزاق ينقطع دائما و يكون الشكل غير مستحب فأعطت الفكرة ان السكر الموجود في الشكولاطة يكون على شكل حبيبات تمنع خروج الشكولاطة من القمع و لذا يجب تصفيتها بعد ذوبانها , انا جربت الفكرة و فعلا لاحظت الفرق
ملاحظة ثانية , الشكولاطة تكون ساخنة بزاف بعد الذوبان أتركها تتماسك قليلا فقط نلاحظ أن تشكيل الزيقزاق يكون أحسن
و هذي طريقة تصفية الشكولاطة

نأخذ قطعة القاتوا نغطس جهة في الطلية و نغطس الجهة الثانية في الشكولاطة الذائبة

نتركها تنشف
ملاحظة ثانية . من الاحسن دهن الصينية باقليل من الزيت حتى نتفادى إلتصاق الشكولاطة او الطلية في الصينية و في بعض المرات تلتصق و تتكسر عند نزعها

نضع الطلية في قمع و نشكل زيقزاق حسب الشكل

و نضع الشكولاطة في قمع أخر و نشكل فوق الزيقزاق الابيض زيقزاق أخر

نتركها تجف و ننضف الجوانب و نقدمها