صابلي القلوب بالزيت شكل جديد

 يوم سعيد
هذي الايام تكاسلت أني نحط الوصفات , و السبب هو الانشغال الدائم (كالعادة ) , لكن سرقت لحضات من الوقت و كتبت هذي الوصفة إن شاء الله تعجبكم
تحياتي و فبلاتي

المقادير

في هذي الوصفة إستعملت طريقة تحضيرصابلي بالزيت و المعجون و هي وصفتي المفضلة في الصابلي لانه يكون طري و يقرمش 

http://cgsho.blogspot.com/2014/09/blog-post_29.html

الوصفة

المقادير 

3بيض

كأس زيت 

كأس سكر 

كأس ميزينة 

خميرة كميائية 

فرينة 

مبشور الليمون و البرتقال 

معجون المشمش 

نواة كوكو (جوز الهند)

كاكاو 

التحضير 

نخلط البيض قليلا فقط 

ثم نضيف له السكر و الزيت

ثم نضيف مبشور الليمون و البرتقال و عي تعطي ذوق رائع 

نخلط الخميرة الكميائية مع قليل من الفرينة و نضيفها للخليط

ثم نكمل باقي الفرينة حتى نتحصل على عجينة متماسكة لكن طرية 

نأخذ كمية صغيرة من العجينة و نضيف لها الكاكاو 

هذي الكمية كبيرة و بقية منها لذا من الافضل تكون أقل 

نشكل من العجينة السوداء حرابش أي على شكل أسطوانات رقيقة (كلما كانت رقيقة كانت أجمل )

نقسمها إلى قطع عشوائية و ليست متساوية و تكون أرق مما في الصورة 

نبسط العجينة البيضاء على سمكها النهائي أي أننا لا نبسطها أكثر (لا ننسى أننا سوف نركب حبة فوق الاخرى لذا تكون رقيقة قليلا )
و نضع قطه العجينة السوداء عليها عشوائيا لكن على شكل أفقي حسب الصورة 

 بواسطة الحلال نبسط العجينة السوداء فوق البيضاء بلطف و بدون أن نغير في الشكل 

بواسطة قالب على شكل قلب نقطع دائما أفقيا 

نضع الكل في صينية كبيرة و ندخلها تنضج على درجة حرارة 180و لا نتركها تحمر كثيرا 

نلسق كل حبتين بمربي المشماش و نزين الجوانب بنواة كوكو 
و تقدم مع أحلى قهوة و مع أحلى الحبايب